Winterschlaf Ahoi :-)

 

Au mir mached jetzt en Winterschlaf :-)

 

 Mir wünsched Eu allne e gueti Zit, en schöne Herbscht und wunderschöni Wiehnachte.

Euse Fonduetisch gaht uf Reise :-)

 De " Altwiebersummer" zeigt sich vo de schönste Siete ......

...aber trotzdem müemmer Eus langsam aber sicher echli mit em Ufrume beschäftige.

Zwüschetdure allerdings schmöckt's bi Eus wunderbar nach Chäs mmmhhhhhh und au Euse Fondue- Bistrotisch isch uf Reise gange.....

 Er hät chönne Bächer Luft schnuppere und es isch en super Abig gsi :-)

Ustrinkete mit ere feine gluschtige Chürbissuppe mmmhhhhh

 Ganz spontan hämmer Eus bi dem unsichere Wetter für e Chürbissuppe entschiede und Eus sofort as Werk gmacht :-)

 Mir händ denn de Fondue- Bistrotisch churzerhand umfunktioniert in en Suppe Bistro Tisch und mmhhhhh das Süppli isch mega fein gsi :- )

De Roger hät sich au wieder es super Sujet für d Turte überleit und die hämmer mit viel Gnuss gässe....

Euse Fondue Bistrotisch hät Premiere gha :-)

 Juhuuu mir händ  Euse Fonduetisch chönne iweihe. 5 charmanti Ladies händ am Petrus trotzt und gmüetlich fein gässe :-)

 

Well's ja wie üblich immer es bizzeli tröpfled hät, sind wieder wunderschöni Wetterstimmige entstande. Mir händ jetzt nämlich es goldigs Floss :-)

Eusi Yacht hät Bsuech übercho :-)

 2 Girls händ im Werche es Kanu baut und bi Eus grad igwassered, das gseht doch super us nebed Eusere Yacht :-)

Au en Helikopter hät es paar Flugstunde gha mit perfekter Landig ufeme Chübel.

Hät öpper en Baumstamm verlore?

Wo mir am Morge Eusi Yacht händ welle bsueche, hämmer en riese Baumstamm gfunde :-) Wo chunnt ächt de wieder her?

Nachdem mir Euse Fund gmeldet händ, simmer id Origamikunst igweiht worde und es hät es paar Chranich geh useme alte Blick :-)

Und wie scho es paar Mal de Summer hät's am Abig en wunderschöne Regeboge geh...

Was so alles im See z finde isch tztztztz :-)

Nach dere Schöfli Abigstimmig, hämmer spannendi Sache im See entdeckt.....

..nämlich en Chübel und 2 Tisch. Ich bi jetzt nöd ganz sicher öb de See na die richtige Temperature hät zum im See ässe :-)

Uf jedefall hämmer en tapfere Neptun gfunde wo alli Sache wieder usegfisched hät

Zum Glück isch denn na de fremdländisch Mariechäfer uftaucht, das heisst de Summer chunnt na juhuuuuuuuuu

Geburtstag vo de Lady in Pink :-)

 Anstatt mit em Milchschum chömmer glaub gli mit de viele Wolke so schöni Deko's kreiere :-)

De Geburtstag vo de Lady in Pink ( möged Ihr Eu as pinke Auto erinnere? ) isch en super Abig gsi :-)

 Au hämmer bim Rundgang spannendi Sache i de Wiese entdeckt hmmm chammer die ächt esse?

 D Abigstimmig isch eimal meh wunderschön gsi .....

                                     

D Swiss Tachos Steelband bi Eus i de Badi :-)

Bevor mir d Steelband Swiss Tachos händ chönne empfange, isch na en spontane Geburtstag z plane gsi und mir sind go Festbänk und Gläser organisiere :-)

 Denn isch es ad Deko gange... wo vor allem d Geburtstagsgruppe gmacht hät.

 Nachdem alli Versammled gsi sind, hämmer wunderbari Sache grilliert und d Chuchi zum dampfe bracht mmmhhhh

Fascht gliechzitig händ sich d Swiss Tachos i Position bracht und e super Stimmig anezaubered. Eusi Gäscht sind begeistered gsi.

Liebi Sunne :-)